کرس گیل الزام سے بری

آسٹریلیا کی عدالت نے ویسٹ انڈیز کے مشہور کھلاڑی کرس گیل کو الزام سے بری کر دیا ہے ۔

آسٹریلیا کی نیو ساؤتھ ویلز سپریم کورٹ کی چار رکنی جیوری نے قرار دیا ہے کہ فیئرفیکس میڈیا اپنی خبر کے دفاع میں مطلوبہ شواہد پیش کرنے میں ناکام رہا ہے اس لیے کرس گیل پر لگائے گئے الزامات غلط سمجھے جاتے ہیں ۔

واضح رہے کہ دو ہزار پندرہ کے ورلڈکپ کے دوران سڈنی کے ڈریسنگ روم میں مساج کرانے والی لڑکی نے الزام لگایا تھا کہ کرس گیل نے مساج کے دوران اچانک اپنا تولیہ ہٹا کر اسے کہا تھا کہ کیا یہی وہ شے ہے جس کی تم کو تلاش ہے ۔ مساج تھراپسٹ نے کہا تھا کہ وہ جنسی طور پر ہراساں کیے جانے پر رو پڑی تھی ۔