جسٹس صدیقی انکوائری پیش رفت

Reading Time: < 1 minute

اسلام آباد ہائیکورٹ کے جسٹس شوکت عزیز صدیقی کی تقریر کے بعد شروع ہونے والے قضیے میں تازہ پیش رفت سامنے آئی ہے ۔ سپریم کورٹ سے جاری کئے گئے اعلامیے میں کہا گیا ہے کہ سخت نوٹس کے بعد چیف جسٹس ثاقب نثار نے اسلام آباد ہائیکورٹ کے چیف جسٹس سے رجوع کیا ہے ۔

اعلامیے کے مطابق اسلام آباد ہائیکورٹ کے چیف جسٹس سے کہا گیا ہے کہ وہ جسٹس صدیقی سے الزامات کے ثبوت مانگیں اور اگر وہ مہیا کریں تو اس پر اپنے کمنٹس دیں۔ جس کے بعد یہ چیف جسٹس پاکستان کو بھجوائے جائیں اگر ضروری ہوا تو اس پر مناسب کارروائی کی جائے گی ۔