مسعود اظہر کا بھائی گرفتار

ماجد جرال

پاکستان میں انڈیا کو مطلوب افراد کی گرفتاری عمل میں لائی گئی ہے جن میں کالعدم جیش محمد کے سربراہ مسعود اظہر کے بھائی بھی شامل ہے ۔

وزیر مملکت برائے داخلہ شہریار آفریدی نے ایک پریس کانفرنس میں بتایا ہے کہ کالعدم تنظیموں کے 44 افراد کو حراست میں لیا گیا ہے ۔

سیکرٹری داخلہ اعظم سلیمان نے بتایا کہ حراست میں کیے گئے ان 44 افراد میں مفتی عبدالرؤف اور حماد اظہر بھی شامل ہیں جن کے نام انڈیا کی جانب سے ہلوامہ حملے کے بعد فراہم کیے گئے ڈوزیئر میں شامل تھے ۔

خیال رہے کہ مفتی عبدالرؤف کالعدم تنظیم جیش محمد کے سربراہ مسعود اظہر کے چھوٹے بھائی ہیں ۔

سیکرٹری داخلہ اعظم سلیمان نے کہا کہ جماعت الدعوہ اور فلاح انسانیت فاؤنڈیشن کو آئندہ چوبیس گھنٹوں میں کلعدم تنظیم میں قرار دے دیا جائے گا۔

وزارت داخلہ میں وزیر مملکت برائے داخلہ شہریار خان آفریدی کے ہمراہ مشترکہ پریس کانفرنس میں سیکرٹری داخلہ نے بتایا کہ قومی سلامتی کمیٹی میں جماعت الدعوہ اور فلاح انسانیت فاؤنڈیشن کوکالعدم قرار دیے جانے کے بعد قانونی کاروائی کے مراحل باقی تھے جن کو آئندہ چوبیس گھنٹوں تک پورا کرلیا جائے گا.

سیکرٹری داخلہ اعظم سلمان نے بتایا کہ جماعت الدعوہ اور فلاح انسانیت فاؤنڈیشن آئندہ چوبیس گھنٹے تک کالعدم قرار دیدی جائیں گی ۔

سیکرٹری داخلہ کا مزید کہنا تھا کہ کالعدم تنظیموں کے خلاف نیشنل ایکشن پلان کے تحت کارروائی تیز کی جا رہی ہیں، سکیورٹی اداروں نے کالعدم تنظیموں کے 44 اراکین بشمول مفتی عبدالرؤف اور حماد اظہر کو تفتیش کے لئے حفاظتی حراست میں لیا ہے ۔