عراق میں ایرانی قونصلیٹ کو آگ لگا دی گئی
عراق میں حکومت مخالف ظاہرین نے شیعہ مسلمانوں کے مقدس شہر نجف شہر میں واقع ایرانی قونصل خانے کو آگ لگا دی ہے۔
آگ لگانے والے سینکڑوں مظاہرین ’ایران عراق سے نکلو‘ کے نعرے لگا رہے تھے۔ حکام کے مطابق قونصل خانے کا عملہ عمارت سے باہر نکلنے میں کامیاب ہو گیا تھا۔
عراق میں ایرانی قونصل خانے پر یہ ایک ماہ میں یہ دوسرا حملہ ہے۔ اس سے قبل کربلا میں ایرانی قونصل خانے پر تین ہفتے پہلے حملہ ہوا تھا۔
اکتوبر میں شروع ہونے والے حکومت مخالف مظاہروں میں اب تک کم از کم 344 افراد ہلاک اور ہزاروں زخمی ہو چکے ہیں۔ ابتدائی طور پر مظاہرے مہنگائی اور بے روزگاری کے خلاف شروع ہوئے تھے جو پورے ملک میں پھیل گئے۔
