سائنسدان جلد ہی ویکسین بنا لیں گے: صدر ٹرمپ

Reading Time: < 1 minute

امریکہ کے صدر ڈونلڈ ٹرمپ نے اگلے صدارتی الیکشن کے لیے اپنی مہم کا آغاز کرتے ہوئے کہا ہے کہ سائنسدان کورونا کے علاج کی ویکیسن رواں سال کے اختتام تک بنانے میں کامیاب ہو جائیں گے۔

صدر ٹرمپ نے کہا کہ وائرس سے ایک لاکھ امریکی ہلاک ہوں گے تاہم انہیں یقین ہے کہ امریکہ سال کے آخر تک ویکسین تیار کر لے گا۔

امریکی صدر کا کہنا تھا کہ ڈاکٹر انہیں ایسی کسی پیشن گوئی سے منع کریں گے لیکن وہ وہی کہیں گے جو وہ درست سمجھتے ہیں۔

صدر ٹرمپ کہا کہ انہیں خوشی ہوگی اگر کوئی اور ملک امریکی محققین سے پہلے وائرس کے خلاف ویکسین تیار کرنے میں کامیاب ہو جائے۔

واضح رہے کہ امریکہ میں کورونا سے ہلاکتوں کی تعداد 70 ہزار کے لگ بھگ ہے اور 11 لاکھ سے زائد افراد وائرس سے متاثر ہوئے ہیں۔