24 گھنٹوں میں 3000 ہزار نئے مریض، 88 ہلاک

Reading Time: < 1 minute

پاکستان میں کورونا وائرس کی وبا کا پھیلاؤ بڑھ گیا ہے اور سرکاری اعداد وشمار کے مطابق گزشتہ 24 گھنٹوں میں ملک میں تین ہزار سے زائد افراد میں کورونا کی تصدیق ہوئی ہے جبکہ اس دوران 88 مریض انتقال کر گئے ہیں۔

اتوار کی صبح جاری کیے گئے اعداد وشمار کے مطابق پاکستان میں اب تک کل 69 ہزار 496 کورونا ٹیسٹ مثبت آئے ہیں جن میں سے 25 ہزار 271 صحت یاب ہوئے جبکہ ایک ہزار 483 کی موت واقع ہوئی۔

حکام کے مطابق 42 ہزار 742 مریض اس وقت بھی زیرعلاج ہیں جن میں سے 723 کی حالت نازک ہے۔