برطانیہ میں کامیاب کورونا کی دوا پاکستان میں سستی

برطانیہ میں کورونا کے سینکڑوں مریضوں کو بچانے والی دوا پاکستان میں ایک روپے کی فی گولی دستیاب ہے۔

برطانوی ماہرین کا کہنا ہے کہ کرونا وائرس کے خلاف کم مقدار والی سٹیرائڈ دوا ڈیکسامیتھازون سے کامیاب علاج ایک زبردست پیش رفت ہے۔

محققین کا کہنا ہے کہ اگر برطانیہ میں وبا کے آغاز کے ساتھ ہی یہ دوا مریضوں کو دی جاتی تو پانچ ہزار کے لگ بھگ زندگیاں بچائی جا سکتی تھیں۔

محققین کے سربراہ، پروفیسر پیٹر ہوربی کا کہنا ہے کہاب تک صرف یہ ہی ایک دوا ہے جس نے ہلاکت کی شرح کو کم کیا ہے، اور خاصی حد تک کم کیا ہے، یہ اب تک کی سب سے بڑی پیش رفت ہے۔

برطانوی وزیر صحت میٹ ہنکاک نے کہا ہے کہ دوا کا بڑا سٹاک موجود ہے اور فوری طور پر مریضوں کے استعمال میں لایا جا رہا ہے۔