ریلوے کمپنیوں میں تقسیم، سٹیل ملز کی زمین لیز پر: حکومت
Reading Time: < 1 minuteپاکستان کے وزیر اطلاعات سینیٹر شبلی فراز نے کہا ہے کہ حکومت نے شفاف انداز میں اداروں کے سربراہوں کا تقرر کیا، اصلاحات کے اثرات جلد سامنے آنا شروع ہوجائیں گے، اپوزیشن کے جلسے کورونا پھیلنے کا باعث بن رہے ہیں، ہسپتالوں پر بوجھ بڑھا تو ذمہ دار اپوزیشن رہنما ہوں گے۔
اسلام آباد میں وزیر اطلاعات شبلی فراز نے ڈاکٹر عشرت حسین کے ہمراہ پریس کانفرنس میں کہا کہ اپوزیشن نے اپنے مفادات کے لیے تحریک نام کی چیز شروع کی۔ اپوزیشن کے جلسے کورونا پھیلانے کا سبب بن رہے ہیں، اپوزیشن ذمہ داری کا مظاہرہ کرے۔
وزیراعظم کے مشیر برائے ادارہ جاتی اصلاحات ڈاکٹر عشرت حسین نے چار بڑے اداروں میں اصلاحات کا منصوبہ عوام کے سامنے رکھتے ہوئے بتایا کہ ایف بی آر میں آٹو میشن لارہے ہیں۔ ریلوے کو پانچ کمپنیوں میں تقسیم کیا جارہا ہے، پی آئی اے کے ساڑھے تین ہزار ملازمین کو گولڈن ہیڈ شیک دیا جائے گا۔
ڈاکٹر عشرت حسین نے بتایا کہ اسٹیل ملز کی 19 ہزار ایکڑ زمین حکومت اپنے پاس رکھے گی،1200 سو ایکڑ زمین اسٹیل ملز کی ملکیت ہوگی جسے لیز پر دے کر پیدوار 3 ملین ٹن تک لے کر جائیں گے۔
