افغان نیوز کاسٹر ملالہ پر فائرنگ، ڈرائیور سمیت قتل

Reading Time: < 1 minute

افغانستان کے شہر جلال آباد میں نامعلوم مسلح افراد نے فائرنگ کر کے خاتون ٹی وی میزبان ملالہ میوند کو قتل کر دیا ہے۔

انعکاس ریڈیو و ٹیلی ویژن کی ایک خبر کے مطابق ان کی نیوز کاسٹر ملالہ کو جمعرات کی صبح دفتر آتے ہوئے قتل کیا گیا۔ فائرنگ سے دفتر کی گاڑی کے ڈرائیور بھی ہلاک ہو گئے۔

حملہ آور فائرنگ کے بعد فرار ہو گئے۔ کسی گروہ نے قتل کی ذمہ داری قبول نہیں کی۔