وزیراعظم کے کتوں کے سوال پر بلاول کا وزرا سے متعلق جواب

پاکستان میں حزب اختلاف کی جماعت پیپلز پارٹی کے چیئرمین بلاول بھٹو زرداری نے کہا ہے کہ  اسمبلیوں سے استعفے ایٹم بم ہیں جن کے استعمال کا فیصلہ اپوزیشن اتحاد پی ڈی ایم کے رہنما مل کر کریں گے۔

منگل کو لاہور میں مسلم لیگ ن کے صدر اور قومی اسمبلی میں اپوزیشن لیڈر شہباز شریف سے ملاقات کے بعد صحافیوں سے گفتگو کرتے ہوئے ان کا کہنا تھا کہ حکومت ملک چلانے کی اہل نہیں، وزیر اعظم کو کرسی تو چھوڑنا پڑے گی۔

لاہور جلسے میں ان کے ’ڈائیلاگ کا وقت گزر چکا‘ کا حوالہ دے کر سوال پوچھا گیا کہ سیاست میں گفتگو تو چلتی رہتی انہے، تو بلاول نے جواب دیا  ’ڈائیلاگ کہاں ہو سکتا ہے جب وزیر اعظم کٹھ پتلی ہے، سپیکر کٹھ پتلی ہے اور وزیراعلیٰ بھی کٹھ پتلی ہے۔‘

ایک صحافی نے سوال کیا کہ بلاول صاحب آپ جلسہ کر رہے تھے ادھر وزیرِ اعظم اپنے کتوں کے ساتھ کھیل رہے تھے آپ کہتے ہیں حکومت دباؤ میں ہے۔

بلاول نے جواب میں کہا کہ دیکھیں میں نے پہلے بھی آپ کو کہا ہے کہ وزیرِ اعظم کے وزرا کا نام عزت سے لیا کریں۔