پاکستان ورلڈ بینک سے 12 ارب ڈالر قرضہ ملنے کے لیے پُر امید

پاکستان میں تحریک انصاف کی حکومت نے توقع ظاہر کی ہے کہ ورلڈ بینک اگلے پانچ برس کے لیے 12 ارب ڈالر کا قرض دینے پر آمادہ ہو جائے گا۔

وزیر برائے معاشی امور مخدوم خسرو بختیار اور ورلڈ بینک کے کنٹری ڈائریکٹر ناجے بنہسائن نے ملاقات میں پاکستان کے پانچ سال کے معاشی و ترقیاتی منصوبوں پر بات چیت کی ہے۔

وزارت معاشی امور سے جاری کیے گئے بیان میں اس حوالے سے بتایا گیا ہے کہ ورلڈ بینک نے اگلے پانچ برسوں کے لیے پاکستان کو قرض دینے سے متعلق معاملات پر گفتگو آگے بڑھانے پر آمادگی ظاہر کی ہے۔