جانی خیل سے چار تابوتوں کے ساتھ اسلام آباد کی جانب مارچ

صوبہ خیبر پختونخوا کے ضلع بنوں کے علاقے جانی خیل میں انتظامیہ اور مقتول لڑکوں کے لیے احتجاج کرنے والے جرگے کے مابین مذاکرات ناکام ہو گئے ہیں۔

سنیچر کی سہ پہر جرگے نے میتوں کے ساتھ اسلام اباد کی جانب مارچ کرنے کا اعلان کیا ہے۔

جرگے نے کہا ہے کہ تابوتوں کے ساتھ جانے والا قافلہ پرامن رہے گا اور کسی گھر میں پتھر پھینکنے پر 10000 جرمانہ ہوگا۔

جرگے کے مطابق چونکہ قافلے میں میتوں کے تابوت ہوں گے اس وجہ سے اگر کسی نے بھی میوزک لگایا تو اس پر 10000 جرمانہ ہوگا۔

جرگے نے کہا ہے کہ کوئی بھی تھوڑ پھوڑ نہیں کرےگاورنہ50 ہزرا جرمانہ ہوگا۔

خیال رہے کہ جانی خیل میں لاپتہ چار نوجوانوں کو قتل کر کے نعشیں دفن کی گئی تھیں جن کا معلوم ہونے پر قبائل نے چار دن سے دھرنا دے رکھا ہے۔