نیویارک کی بلند رہائشی عمارت میں آگ بھڑکنے سے 19 ہلاک، 63 زخمی

Reading Time: < 1 minute

امریکی شہر نیویارک کی حالیہ تاریخ میں بدترین آتشزدگی کے ایک واقعے میں بلند رہائشی عمارت کے 19 مکین مارے گئے جن میں نو بچے بھی شامل ہیں۔

شہر کے میئر ایرک ایڈمز نے بتایا ہے کہ یہ ایک بدترین سانحہ ہے جس میں 63 افراد ہسپتالوں میں زیرعلاج ہیں۔

فائر ڈیپارٹمنٹ کے مطابق زیادہ تر ہلاکتیں دھواں کے باعث دم گھٹنے سے ہوئیں۔

عینی شاہدین نے آگ لگنے کے بعد سینکڑوں رہائشیوں کو بلند عمارت میں قائم اپارٹمنٹس کی کھڑکیوں سے مدد کے لیے پکارتے دیکھا۔

زخمیوں میں سے 13 کی حالت تشویشناک بتائی جاتی ہے۔

ابتدائی تحقیقات کے مطابق آگ ایک بیڈ روم میں بجلی کے ہیٹر کی وجہ سے لگی۔