انڈین کرکٹ ٹیم کو جھٹکا، سٹار بولر جسپرت بمرا چیمپئنز ٹرافی سے آؤٹ

Reading Time: < 1 minute

انڈیا کو کرکٹ کی چیمپئنز ٹرافی سے پہلے ایک بڑا جھٹکا لگا ہے، ان کے پریمیئر تیز گیند باز جسپریت بمراہ 2025 کی چیمپئنز ٹرافی سے باہر ہو گئے ہیں۔

ای ایس پی این کرک انفو کو معلوم ہوا ہے کہ بمراہ ابھی تک اپنی کمر میں ہونے والی تکلیف سے مکمل طور پر ٹھیک نہیں ہوئے۔

جنوری میں سڈنی ٹیسٹ کے دوران ان کو تکلیف شروع ہوئی تھی جس نے انہیں انگلینڈ کے خلاف وائٹ بال سیریز سے بھی باہر کر دیا تھا۔

جبکہ تازہ ترین سکین جو بمراہ نے ہفتے کے آخر میں بنگلورو میں کرایا، اس میں کوئی ناخوشگوار چیز ظاہر نہیں ہوئی، یہ معلوم ہوا ہے کہ وہ ابھی تک بولنگ میں واپس آنے کے لیے پوری طرح تیار نہیں۔

بنگلورو میں سینٹر آف ایکسیلینس میں واقع بی سی سی آئی کی میڈیکل ٹیم کے ذریعہ اس کی پیشرفت کی نگرانی جاری رہے گی۔

باؤلنگ میں ان کی واپسی کی ٹائم لائن پر کوئی تصدیق نہیں ہے۔

امکان ہے کہ وہ ایک دو ہفتوں میں دوبارہ دوڑنا شروع کر دیں گے اور پھر اس کے بعد آہستہ آہستہ بولنگ شروع کر دیں گے۔

یہ دوسرا آئی سی سی ٹورنامنٹ ہے جس میں بمراہ چوٹ کی وجہ سے نہیں کھیل پائیں گے، وہ کمر کی چوٹ کی وجہ سے آسٹریلیا میں 2022 کے T20 ورلڈ کپ سے باہر ہو گئے تھے جس کی بعد سے انہیں سرجری کروانا پڑی۔