ہائیکورٹ کا فیصلہ معطل، راوی اربن پراجیکٹ پر کام جاری رکھنے کی اجازت

Reading Time: < 1 minute

سپریم کورٹ نے لاہور ہائیکورٹ کا فیصلہ معطل کرتے ہوئے راوی اربن ڈویلپمنٹ منصوبے پر کام جاری رکھنے کی اجازت دے دی ہے.

سپریم کورٹ نے کہا کہ جن زمینوں کے مالکان کو ادائیگی ہوچکی ہے ان پر کام جاری رکھا جا سکتا ہے جبکہ جہاں مالکان کو ادائیگی نہیں ہوئی وہاں کام کی اجازت نہیں ہوگی۔

سپریم کورٹ نے حکومت کی جانب سے دائر کردہ اپیلوں پر سماعت کرتے ہوئے پیر کو فریقین کو نوٹسز جاری کرتے ہوئے کہا کہ ’جائزہ لیں گے کہ فیصلے کے خلاف انٹرا کورٹ اپیل بنتی ہے یا نہیں۔‘

خیال رہے کہ 25 جنوری کو لاہور ہائیکورٹ نے راوی اربن پراجیکٹ کو کالعدم قرار دیتے پنجاب حکومت کو پانچ بلین قرضہ فوری واپس کرنے کا حکم دے دیا تھا۔