آئی پی ایل میں انڈین کرکٹر ایشان کشن کو کتنے کروڑ ملیں گے؟

Reading Time: < 1 minute

انڈیا کے ابھرتے ہوئے کرکٹر ایشان کشن کو انڈین پریمیئر لیگ (آئی پی ایل) کے نئے ایڈیشن کے لیے ہونے والی نیلامی میں 15 کروڑ سے زائد انڈین روپے (35 کروڑ سات لاکھ پاکستانی روپے) میں خریدا گیا ہے۔

سنیچر کو بینگلور میں آئی پی ایل کے کھلاڑیوں کی نیلامی کے پہلے دن پانچ بار کی فاتح ٹیم ممبئی انڈینز نے بولی کی جنگ میں 23 سالہ وکٹ کیپر بلے باز کو دوبارہ خرید لیا۔

آئی پی ایل میں اب 10 ٹیمیں ہیں جن میں لکھنئو سپر جائنٹس اور گجرات ٹائٹنز کا نیا اضافہ ہوا ہے، دو دنوں میں یہ ٹیمیں تقریباً ساڑھے سات کروڑ ڈالر (13 ارب 15 کروڑ سے زائد پاکستانی روپے) خرچ کریں گی۔

ایشان کشن کی فیس سنہ 2015 کی نیلامی میں یوراج سنگھ کو ادا کیے گئے 22 لاکھ ڈالر سے کم ہے۔

خیال رہے کہ آئی ایل پی کی تاریخ کے سب سے مہنگے کھلاڑی جنوبی افریقہ کے کرس مورس ہیں جنہیں گذشتہ سال 22 لاکھ 30 ہزار ڈالر میں خریدا گیا تھا۔