آخری مقابلے میں شکست، باکسر عامر خان کی کھیل سے ریٹائرمنٹ

Reading Time: < 1 minute

پاکستانی نژاد برطانوی باکسر عامر خان نے عالمی باکسنگ سے ریٹائرمنٹ کا اعلان کیا ہے۔

جمعے کو انہوں نے ایک بیان میں کہا کہ ان کی ریٹائرمنٹ کا وقت آچکا ہے۔

انہوں نے مزید لکھا کہ ’میں 27 سالوں پر محیط اپنے شاندار کیریئر پر خود کو خوش قسمت سمجھتا ہوں۔‘

عامر خان کا کہنا تھا کہ ’میں ان ٹیموں جن کے ساتھ میں نے کام کیا، اپنے خاندان والوں، دوستوں اور اپنے پرستاروں کا ان کی محبت اور حمایت پر دل سے شکریہ ادا کرتا ہوں۔‘

واضح رہے رواں سال فروری میں مانچسٹر میں کیل بروک کے خلاف چھٹے راؤنڈ میں فائٹ ہارنے کے بعد عامر خان نے باکسنگ سے ریٹائرمنٹ کا عندیہ دیا تھا۔

میچ ہارنے کے بعد ان سے ایک رپورٹر نے پوچھا تھا کہ کیا وہ کھیل سے ریٹائرمنٹ لے رہے ہیں؟ اس سوال کا جواب دیتے ہوئے 35 سالہ باکسر کا کہنا تھا کہ وہ اس بارے میں سوچ رہے ہیں۔