ایچ ای سی کو نئی جامعات کے قیام سے روک دیا گیا

وفاقی وزیرتعلیم رانا تنویر نے چیئرمین ہائر ایجوکیشن کمیشن(ایچ ای سی) کو نئی جامعات کے قیام سے روک دیا۔

چیئرمین ایچ ای سی کو ہدایت کی گئی ہے کہ بغیر این او سی قائم جامعات کا بھی فوری خاتمہ کیا جائے۔

اطلاعات کےمطابق وفاقی وزیرتعلیم رانا تنویر نے کہا کہ جامعات کی تعداد میں بغیر معیار کے ااضافہ بے سود ہے،جامعات کی تشکیل کے بجائے معیار تعلیم بہتر بنانے کی تجویز دی گئی ہے۔

یاد رہے کہ ملک میں بغیر این او سی بھی جامعات قائم ہیں جہاں کئی سال تک طلبا و طالبات سے فیسیں وصول کی جاتی ہیں اور پھر پتہ چلتا ہے کہ ان کی حیثیت مسلمہ نہیں،تب تک طلبا کا بہت سا وقت اور پیسہ ضائع ہو چکا ہوتا ہے اور پھر احتجاج کا سلسلہ شروع ہو جاتا ہے۔