ٹک ٹاک ڈیلیٹ کریں، امریکہ میں سرکاری افسران کو 30 دن کی مہلت

Reading Time: < 1 minute

امریکہ کے صدارتی دفتر وائٹ ہاؤس نے تمام وفاقی ایجنسیوں کو چین کی ملکیتی ویڈیو ایپ ٹک ٹاک کو تمام سرکاری حکام کے فون سے ہٹانے کے لیے 30 دن کا وقت دیا ہے۔

ڈیٹا چوری کے بڑھتے سیکیورٹی خدشات پر واشنگٹن نے ڈیجیٹل اور الیکٹرانک ڈیوائسز کے لیے جانچ بڑھا دی ہے۔

آفس آف مینجمنٹ اینڈ بجٹ نے پیر کو جاری کردہ گائیڈ لائن کو "حساس سرکاری ڈیٹا کو ٹک ٹاک ایپ سے درپیش خطرات سے نمٹنے کے لیے ایک اہم قدم” قرار دیا ہے۔

وائٹ ہاؤس پہلے ہی اپنے آلات میں ٹک ٹاک کے استعمال پر پابندی لگا چکا ہے۔