سعودی عرب میں چاند نظر آ گیا، پاکستان میں عید ایک دن بعد

Reading Time: < 1 minute

سعودی عرب میں شوال کا چاند نظر آ گیا ہے۔
سعودی میڈیا کے مطابق مملکت میں شوال کا چاند نظر آگیا ہے اور عیدالفطر جمعے کو ہوگی۔

سعودی سپریم کورٹ نے مملکت میں شوال کے چاند نظر آنے کی تصدیق کی اور اعلان کیا کہ عیدالفطر جمعہ 21 اپریل سے شروع ہوگی۔

پاکستان میں عید سنیچر کو ہوگی
ادھر پاکستان میں شوال کا چاند نظر نہیں آیا، لہٰذا عیدالفطر 22 اپریل بروز سنیچر ہوگی۔

پاکستان میں عیدالفطر کا چاند دیکھنے کے لیے مرکزی رویت ہلال کمیٹی کا اجلاس وزارت مذہبی امور اسلام آباد میں منعقد ہوا۔

اجلاس کے بعد مرکزی رویت ہلال کمیٹی کے چیئرمین مولانا عبدالخبیر آزاد نے اعلان کیا کہ ملک بھر سے شوال کا چاند نظر آنے کی کوئی شہادت موصول نہیں ہوئی۔

انہوں نے بتایا کہ ’لہٰذا عیدالفطر 22 اپریل بروز سنیچر ہوگی۔‘
پاکستان کے محکمہ موسمیات کے مطابق آج (جمعرات کو) چاند کے نظر آنے کے امکانات تقریباً نہ ہونے کے برابر تھے۔