پاکستان نے چھ ماہ میں 8 ارب ڈالر کے قرضے لیے: سرکاری اعداد وشمار

Reading Time: < 1 minute

بین الاقوامی مالیاتی فنڈ (آئی ایم ایف) سے پاکستان کو گزشتہ چھ ماہ میں 8 ارب 10 کروڑ ڈالر کے قرضے ملے ہیں۔

جمعرات کو وزیر خزانہ ڈاکٹر شمشاد اختر نے بتایا کہ غیر ملکی قرضوں کے بلاتعطل بہاؤ کے لیے قرض دینے والے عالمی ادارے کے ساتھ بات چیت شروع ہونے والی ہے۔

وزیر خزانہ نے کہا کہ "کوئی دو طرفہ قرض دہندہ آپ کو ادائیگی نہیں کرے گا اور نہ ہی کوئی کثیر الجہتی ایجنسی آئی ایم ایف پروگرام کے بغیر پاکستان کے حوالے سے خطرہ مول لے گی۔”

انہوں نے مزید کہا کہ ناقص کریڈٹ ریٹنگ کی وجہ سے پاکستان بین الاقوامی کیپٹل مارکیٹ سے باہر ہو گیا تھا۔

انہوں نے کہا کہ ہم آئی ایم ایف کے ساتھ قرض کی تیسری قسط (1.2 بلین ڈالر) کے لیے بات چیت کرنے والے ہیں لیکن آئی ایم ایف کی ٹیم تھوڑی تاخیر آ سکتی ہے۔

وزیر نے وضاحت کی کہ آئی ایم ایف مشن اکتوبر-دسمبر 2023 کے اعداد و شمار کو حتمی شکل دینے کا انتظار کرے گا، جو رواں ماہ کے آخر تک ہو جائے گا۔ لیکن "ہم عملی طور پر مذاکرات شروع کر سکتے ہیں۔”

ایکسپریس ٹریبیون نے بدھ کو رپورٹ کیا تھا کہ پاکستان نے آئی ایم ایف سے 3 بلین ڈالر کے پیکج کے دوسرے جائزے کے تحت 1.2 بلین ڈالر کے قرض کی آخری قسط کے لیے ایک مشن روانہ کرنے کی درخواست کی ہے۔

اقتصادی امور ڈویژن اور مرکزی بینک کی طرف سے رپورٹ کردہ اعداد و شمار سے پتہ چلتا ہے کہ پاکستان نے رواں مالی سال کے پہلے چھ ماہ کے دوران 8.1 بلین ڈالر کے غیر ملکی قرضے حاصل کیے جو کہ نظرثانی شدہ سالانہ ضرورت کے ایک تہائی کے برابر تھے۔