سعودی روبوٹ کی خاتون رپورٹر سے نامناسب حرکت، وائرل ویڈیو پر تبصرے

Reading Time: < 1 minute

سوشل میڈیا پر شیئر کی گئی ایک ویڈیو وائرل ہے جس میں سعودی لباس پہنے ایک روبوٹ کو دکھایا گیا ہے جو خاتون رپورٹر کو نامناسب انداز میں چھوتا ہے۔

آر ٹی ای اردو نامی ٹوئٹر ہینڈل سے شیئر کی گئی اس ویڈیو کے ساتھ لکھا گیا ہے کہ ”پہلے سعودی روبوٹ کی جانب خاتون رپورٹر کو ہراساں کرنے کی حرکت دیکھی گئی۔“

مزید کہا گیا کہ ”روبوٹ بنانے والے انجینئرز کا کہنا ہے کہ یہ حرکت ایک تکنیکی خرابی کی وجہ سے ہوئی۔ اور خاتون رپورٹر سے معذرت کر لی گئی۔“

پاکستانی سوشل میڈیا صارفین اس پر تبصرے کرتے ہوئے سابق وزیراعظم عمران خان کے اس بیان کا حوالہ دے رہے ہیں جس میں انہوں نے خواتین کے لباس پر تبصرہ کرتے ہوئے کہا تھا کہ مرد روبوٹ نہیں ہوتے۔

ایک صارف نے طنزیہ لکھا کہ اب تو روبوٹ بھی مرد بن گئے ہیں۔