اسلام آباد میں دو افراد کو کچل کر ہلاک کرنے والے فوجی افسر بلال فیصل ملٹری پولیس کے حوالے

Reading Time: < 1 minute

اسلام آباد پولیس نے تصدیق کی ہے کہ رواں ہفتے دو فلسطین کی حمایت میں دھرنا دینے والے مظاہرین پر گاڑی چڑھانے والے ڈرائیور کی شناخت ایک فوجی افسر کے طور پر کی گئی جسے ملٹری پولیس کے حوالے کر دیا گیا ہے۔

گزشتہ کئی دنوں سے اسلام آباد میں ڈی چوک پر مظاہرین نے کیمپ لگائے ہیں۔

پیر کو رات گئے چند مظاہرین پر تیز رفتار گاڑی چڑھانے کے واقعے میں دو افراد ہلاک اور چار زخمی ہو گئے تھے۔

گاڑی کا ڈرائیور جائے وقوعہ سے فرار ہو گیا تھا تاہم پولیس نے اسے تھوڑی دیر بعد گرفتار کر لیا تھا۔

اسلام آباد پولیس کے ترجمان تقی جواد نے میڈیا کو بتایا کہ ’جناح ایونیو پر دو افراد کو کچل کر ہلاک کرنے والے ڈرائیور کو جائے وقوعہ سے گرفتار کر لیا گیا تھا اور ان کی شناخت ایک فوجی افسر کے طور پر ہوئی۔‘

انہوں نے کہا کہ ڈرائیور کو ایف آئی آر میں نامزد کیا گیا ہے اور بعد میں مزید قانونی کارروائی کے لیے ملٹری پولیس کے حوالے کر دیا گیا تھا۔‘

رات دیر گئے تیز رفتاری کے باعث سڑک پر سوئے مظاہرین کو کچلنے والے لیفٹیننٹ بلال فیصل کے بارے میں معلوم ہوا ہے کہ ان کے والد فوج میں بریگیڈیئر ہیں.