فرانس کے الیکشن میں نیا نعرہ: آزادی، برابری، ایمباپے

Reading Time: 2 minutes

علی ارقم. صحافی

ایمباپے 01
لی پین 00

فرانس کے حالیہ انتخابات میں ایک نیا نعرہ سامنے آیا

آزادی، برابری، ایمباپے

انتخابات کے دوسرے راؤنڈ میں بائیں بازو کے اتحاد کی پہلی، میکرون کی پارٹی کی دوسری اور دائیں بازو کی نیشنل ریلی کے حیران کن تیسرے نمبر پر آنے کے بعد فرانس میں متنوع نسلی پس منظر کے لوگوں نے سکھ کا سانس لیا ہی ہے، ساتھ ہی فرانس کی قومی فٹ بال ٹیم کے کئی ارکان نے بھی مسرت کا اظہار کیا ہے جنہوں نے لوگوں سے اپیل کی تھی کہ مارین لی پین کی پارٹی کے خلاف ووٹ دیں.

فرانس کے سٹار ڈفینڈر اور بارسلونا کیلئے کھیلنے والے کھلاڑی جولز کونڈے کہتے ہیں کہ طمانیت کا احساس اتنا ہی زیادہ ہے جتنا کہ پچھلے ہفتوں کی پریشانی.

انہوں نے ان تمام فرانسیسی لوگوں کو مبارکباد دی، جنہوں نے متحرک ہو کر اس بات کو یقینی بنایا کہ فرانس جیسا خوبصورت ملک دائیں بازو کے ہاتھوں میں نہیں جائے گا۔

ورلڈ کپ وننگ فرانسیسی ٹیم کا حصہ رہنے والے ڈفینڈر تُھرام کے بیٹے اور قومی ٹیم کے فارورڈ مارکس تھُرام نے کہا، “ان تمام لوگوں کو مبارکباد جنہوں نے ہمارے خوبصورت ملک کو درپیش خطرے کو پہچانا۔” "تنوع زندہ باد، جمہوریہ زندہ باد، فرانس زندہ باد۔ لڑائی جاری رہے گی۔”

یورو 2024 فٹ بال چیمپئن شپ کے وسط جون میں شروع ہونے کے بعد سے، ایلیٹ کھیلوں کی ٹیم نے حیرت انگیز طور پر فرانس میں دائیں بازو کے عروج کے بارے میں بے باک انداز میں اظہار خیال کیا ہے۔

ووٹنگ کے دوسرے دور سے پہلے، کپتان اور سٹار پلیئر کیلیان ایمباپے نے کہا، “ہم اپنے ملک کو ان لوگوں کے ہاتھ میں نہیں دے سکتے،” انہوں نے مزید کہا، “ہم امید کرتے ہیں کہ سب متحرک ہوں گے اور صحیح طرف ووٹ دیں گے۔”

لی پین نے ایمباپے پر وار کرتے ہوئے کہا کہ "اداکاروں، فٹبالروں اور گلوکاروں کا رجحان ہے کہ وہ سامنے آکر فرانسیسی لوگوں کو بتائیں کہ انہیں کیسے ووٹ دینا چاہیے” جب کہ وہ "کروڑ پتی اور ارب پتی” ہیں۔ انہوں نے ایمباپے سے "اعتدال پر رہنے کا مطالبہ کیا اور کہا، "فرانسیسی لوگ لیکچر دیے جانے اور ووٹنگ کے بارے میں مشورہ دیے جانے سے تنگ آ چکے ہیں۔”

چاہے فٹبالرز نے ووٹ پر اثر ڈالا ہو یا نہیں، فرانسیسی ٹیم دائیں بازو کی شکست کے سکیل سے خوش تھی (حالانکہ اس نے پچھلی بار کے مقابلے میں نشستوں میں اضافہ کیا تھا، حکومت کا کنٹرول اب بھی ان کے ہاتھوں سے دور ہے)۔

اتوار کی رات، مڈفیلڈر اوریلین شوامینی نے "لوگوں کی فتح” کا خیرمقدم کیا، جب کہ ڈیفنڈر ابراہیمہ کوناٹے نے ایموجیز پوسٹ کیے جس سے ظاہر ہوتا ہے کہ دائیں بازو کو حکومت میں آنے سے سے روکے جانے پر وہ خوش ہیں.

فرانس کی فٹبال ٹیم، منگل کی رات میونخ میں یورو 2024 کے سیمی فائنل میں اسپین کے خلاف کھیلے گی.