اسرائیلی فوج کی بکتربند گاڑی اُڑا دی گئی، سات اہلکار ہلاک

اسرائیل کی فوج نے کہا ہے کہ بدھ کا روز غزہ میں مہینوں بعد اُس کے اہلکاروں کے لیے مہلک ترین دنوں میں سے اےک ثابت ہوا۔

فوج نے کہا ہے کہ سات فوجی اس وقت مارے گئے جب ایک فلسطینی حملہ آور نے اُن کی بکتر بند گاڑی سے بم لگا دیا۔

غزہ کے تباہ شدہ انکلیو میں صحت کے حکام نے بتایا کہ اسرائیلی حملوں میں گزشتہ روز 79 افراد ہلاک ہوئے تھے۔

منگل کے روز اسرائیلی فوجیوں پر ہونے والے اس حملے نے تیزی سے اس جنگ کی طرف توجہ دلائی جہاں روزانہ دسیوں فلسطینی شہری مارے جا رہے ہیں۔

اسرائیل اور ایران کے درمیان تقریباً دو ہفتوں کی جنگ کے بعد حماس کے عسکری گروپ نے ایک بڑی کارروائی کی ہے۔

غزہ میں ہلاک ہونے والے 79 فلسطینیوں میں 33 ایسے افراد بھی شامل ہیں جو امداد تک رسائی کی کوشش کے دوران ہلاک ہوئے۔

فلسطینی عینی شاہدین اور صحت کے حکام کا کہنا ہے کہ اسرائیلی فورسز نے اشد ضرورت کی خوراک کی طرف بڑھنے والے ہجوم پر بار بار فائرنگ کی جس میں حالیہ ہفتوں میں سینکڑوں افراد ہلاک ہو چکے ہیں۔

فوج کا کہنا ہے کہ اس نے ان لوگوں پر انتباہی گولیاں چلائیں جو اس کے بقول مشکوک انداز میں اس کی افواج کے قریب پہنچے تھے۔