ایشیا کے بہترین ایئرپورٹ کا ایوارڈ، ٹاپ 10 ایئرپورٹس فہرست میں شامل ہوائی اڈے

سنگاپور کے چانگی ایئرپورٹ کو سنہ 2026 کے معروف سفری میگزین "ڈسٹین ایشیئن” کے "ریڈرز چوائس ایوارڈز” کے تحت ایشیا کا بہترین ہوائی اڈہ قرار دیا گیا ہے۔

میگزین نے لکھا ہے کہ "چانگی اس بات کی مثال ہے کہ ایک بے عیب سفری تجربہ کیسا ہو سکتا ہے، جس میں خودکار چیک اِن اور امیگریشن گیٹس، جدید فن پاروں اور گرم مرطوب سبزہ سے مزین پر سکون جگہیں، چوبیس گھنٹے فلمی تھیٹر، کھانے پینے کے لیے بے شمار ریستوران، اور بھی بہت کچھ شامل ہے-”

رپورٹ میں ہوائی اڈے کی 40 میٹر اونچی اندرونی آبشار کا بھی ذکر کیا گیا ہے-

چانگی دنیا کے پہلے ہوائی اڈوں میں سے ایک ہے جہاں تمام ٹرمینلز میں پاسپورٹ فری امیگریشن کلیئرنس کا نظام نافذ کیا گیا تھا، جس کے تحت مسافر صرف 10 سیکنڈ میں امیگریشن سے گزر سکتے ہیں۔

ہانگ کانگ ایئرپورٹ دوسرے نمبر پر آیا، اس کے بعد تھائی لینڈ کا سووارن بھومی ایئرپورٹ اور انڈونیشیا کا سویکارنو-ہٹا ایئرپورٹ۔

سنگاپور ایئرلائنز کو بھی خطے میں بہترین ایئر لائن کے طور پر منتخب کیا گیا، جس کے بعد ہانگ کانگ کی کیتھی پیسفک کا نمبر ہے-

یہ ایوارڈز دنیا بھر کے لاکھوں قارئین کے ووٹ کے ذریعے فیصلے کے بعد دیے جاتے ہیں- ان ایوارڈز کے لیے اعلیٰ درجے کے مسافر ووٹ کرتے ہیں جیسے کہ کاروباری افراد، سرمایہ کار اور تجرباتی سفر کے شوقین افراد سے پوچھا جاتا ہے-

اس سال ایشیا کے 10 بہترین ہوائی اڈے:

1. سنگاپور چانگی ایئرپورٹ

2. ہانگ کانگ انٹرنیشنل ایئرپورٹ

3. سووارن بھومی ایئرپورٹ، بنکاک

4. سویکارنو-ہٹا انٹرنیشنل ایئرپورٹ، جكارتا

5. آئی گستی نگوراہ رائے انٹرنیشنل ایئرپورٹ، بالی

6. کوالالمپور انٹرنیشنل ایئرپورٹ

7. ہنیڈا ایئرپورٹ، ٹوکیو

8. حمد انٹرنیشنل ایئرپورٹ، دوحہ

9. انچیون انٹرنیشنل ایئرپورٹ

10. استنبول ایئرپورٹ