بلوچستان کی ’آزاد‘ سیاسی جماعت

Reading Time: < 1 minute

بلوچستان کے وزیر داخلہ سرفراز بگٹی نے کہا ہے کہ بلوچستان اسمبلی میں ہم خیال گروپ نے نئی سیاسی پارٹی بنانے کا فیصلہ کیا ہے جس کا جلد اعلان کر دیا جائے گا ۔

کوئٹہ میں ذرائع ابلاغ کے نمائندوں سے بات کرتے ہوئے انہوں نے کہا کہ نئی سیاسی جماعت بنانے کا ہم خیالوں نے فیصلہ کر لیا ہے جسکا اعلان ایک دو روز میں وزیر اعلیٰ بلوچستان عبدالقدوس بزنجو اپنے ساتھیوں کے ہمراہ پریس کانفرنس میں کرینگے، منشور بھی تیار کر لیا گیا ہے۔

سرفراز بگٹی کا کہنا تھا کہ نئی سیاسی جماعت ترقی پسند ہوگی اور بلوچستان کی روایتی جماعتوں سے مختلف ہوگی ۔ ذرائع نے دعوی کیا ہے کہ نئی پارٹی میں وزیراعلیٰ بلوچستان عبدالقدوس بزنجو، سرفراز بگٹی، سید ہاشمی، جعفر مندوخیل، منظور کاکڑ، عاصم کرد گیلو، جان محمد جمالی، طاہر محمود اور آغا رضا وغیرہ شامل ہوں گے ۔