چاچا شکور کے خلاف مقدمہ

وفاقی تحقیقاتی ادارے ایف آئی اے کے سائبر کرائم ونگ نے سوشل میڈیا کے چاچا شکور کے خلاف اعلی عدلیہ کے ججوں کو بدنام کرنے کی مہم چلانے پر مقدمہ درج کیا ہے ۔

اسلام آباد ہائیکورٹ کے رجسٹرار کی درخواست پر درج کئے گئے مقدمے میں لکھا گیا ہے کہ سوشل میڈیا پر چاچا شکور نام کی آئی ڈی سے سرگرم شخص جسٹس اطہر من اللہ اور ان کے اہلخانہ کے خلاف گندی زبان استعمال کر رہا ہے ۔ مذکورہ شخص عدالتی کارروائی کی جھوٹی خبریں بھی پھیلاتا ہے ۔

ایف آئی اے کی تحقیقات کے مطابق مذکورہ شخص کا ایک یوٹیوب چینل، ڈیلی موشن اکاؤنٹ، ویب سائٹ اور فیس بک آئی ڈی ہے ۔

ایف آئی اے نے سوشل میڈیا کے ان تمام اداروں سے رابطہ کر لیا ہے اور ان کے جواب کا انتظار ہے جبکہ ابتدائی تحقیقات سے معلوم ہوا ہے کہ عبدالشکور اجمل نامی یہ شخص متحدہ عرب امارات میں رہائش پذیر ہے ۔