دھمکانے کے مقدمے میں شاہد مسعود کی ضمانت نہ ہو سکی

نجی ٹی وی سما کے رپورٹر سے موبائل فون چھیننے اور دھمکانے کے مقدمے میں ڈاکٹر شاہد مسعود کی قبل از گرفتاری ضمانت کی درخواست مسترد کر دی ہے ۔

رپورٹر نورالامین سے موبائل چھیننے اور دھمکیوں کے مقدمے میں شاہد مسعود کی ضمانت کی درخواست ایڈیشنل سیشن جج جاوید اقبال سپرا نے سنی ۔ وکیل نے بتایا کہ شاہد مسعود کچھ دیر میں پیش ہوں گے تاہم دو بار مقدمہ پکارے جانے پر حاضر نہ ہوئے تو عدالت نے ضمانت قبل از گرفتاری کی درخواست خارج کر دی ۔

یاد رہے کہ شاہد مسعود کے خلاف سما ٹی وی کے رپورٹر نورالامین نے اسلام آباد ہائیکورٹ کے باہر موبائل چھیننے اور دھمکیاں دینے کے الزام میں تھانہ رمنا میں مقدمہ درج کرایا ہے ۔