ووٹ گنتے ہوئے 270 ہلاک

انڈونیشیا میں حکام کا کہنا ہے کہ عام انتخابات کے بعد ووٹ گننے والے 270 کارکن تھکن سے نڈھال ہو کر ہلاک ہو گئے ہیں ۔

ملک میں پہلی بار صدارتی، قومی اور علاقائی الیکشن ایک ساتھ منعقد کیا گیا جس کا مقصد اس عمل پر اٹھنے والے اخراجات کم کرنا تھا ۔

انڈونیشیا کی آبادی 26 کروڑ ہے اور الیکشن کمیشن کے مطابق ستر لاکھ افراد ووٹوں کی گنتی اور نگرانی کے عمل میں شامل ہیں ۔

ملک کے جنرل الیکشن کمیشن کے ترجمان نے کہا ہے کہ ووٹ گننے والے سٹاف کی اموات مسلسل زیادہ کام کے بعد بیمار پڑنے سے ہوئیں ۔

انہوں نے کہا کہ گنتی کے عمل میں شامل 1800 سے زائد کارکن بیمار ہو کر ہسپتالوں میں بھی داخل کیے گئے ۔