14 سال بعد برطانوی ملزم پاکستان سے گرفتار

برطانوی پولیس نے پاکستان کے دارالحکومت اسلام آباد میں کارروائی کی ہے اور 14 سال قبل اپنی ایک خاتون پولیس افسر کے قتل میں ملوث پاکستانی کو گرفتار کیا ہے۔

سنہ 2005 میں برطانیہ کی 38 سالہ شیرون بیشنوسکی کو قتل کرنے کے بعد ملزم فرار ہو گیا تھا۔

71 سالہ ملزم پیرا دتہ خان کو منگل کے روز گرفتار کیا گیا جبکہ بدھ کو اسلام آباد کی مقامی عدالت سے ملزم کا 29 جنوری تک ریمانڈ حاصل کیا ہے۔

ملزم نے 18 نومبر 2005 کو خاتون پولیس آفیسر کو ڈکیتی کے دوران قتل کیا تھا۔ ملزم کے ریمانڈ کے دوران برطانیہ کے حوالے کرنے سے متعلق معاملات طے کیئے جائیں گے۔