شوکت صدیقی کی اپیل سماعت کے لیے مقرر

پاکستان کی سپریم کورٹ نے اسلام آباد ہائی کورٹ کے برطرف جج شوکت عزیز صدیقی کی عہدے سے ہٹانے کیخلاف اپیل سماعت کیلئے مقرر کر دی ہے۔

سابق جسٹس شوکت عزیز صدیقی نے عہدے سے ہٹانے کی اپیل دو ہزار اٹھارہ میں دائر کی تھی.

جہانزیب عباسی

جسٹس عمر عطا بندیال کی سربراہی میں سپریم کورٹ کا پانچ رکنی لارجر بنچ 13 فروری کو اپیل پر سماعت کرے گا۔ جسٹس سردار طارق مسعود، جسٹس فیصل عرب لارجر بنچ میں شامل ہیں.جسٹس اعجازالاحسن اور جسٹس مظہر عالم میاں خیل بھی پانچ رکنی لارجر بنچ میں شامل ہیں۔

شوکت عزیز صدیقی کو آئی ایس آئی کی عدالتی معاملات میں مداخلت والی تقریر پر جوڈیشل کونسل نے عہدے سے ہٹانے سفارش کی تھی. شوکت صدیقی نے بطور جج اسلام آباد ہائی کورٹ عہدے سے ہٹانے کا فیصلہ سپریم کورٹ میں چیلنج کر رکھا ہے۔