وہ ملک جہاں کورونا نہیں پہنچ سکا؟
Reading Time: < 1 minuteدنیا کے دو سو کے لگ بھگ ملکوں نے عالمی وبا کورونا وائرس کے مریضوں کی موجودگی اور حفاظتی اقدامات کرنے کے بارے میں سرکاری سطح پر تصدیق کی ہے تاہم چند جزائر اور ایک ملک ایسا ہے جہاں تاحال وائرس کی موجودگی کے بارے میں جواب نفی میں ہے۔
عالمی ادارہ صحت کے مطابق شمالی کوریا میں حکام کا کہنا ہے کہ ملک میں کورونا وائرس کا کوئی مریض نہیں اور اس کے ٹیسٹ بھی نہیں کیے جا رہے۔
یاد رہے کہ پاکستانی ذرائع ابلاغ اور سوشل میڈیا پر گزشتہ ماہ کے وسط میں یہ خبر وائرل ہوئی تھی کہ شمالی کوریا میں کورونا کے پہلے مریض کو گولی مار کر ہلاک کر دیا گیا ہے۔
اس خبر کی کہیں سے بھی تصدیق نہیں کی جا سکی تھی اور خیال کیا گیا کہ افواہ یا کسی کی ذہنی اختراع ہے۔
شمالی کوریا دنیا سے کٹا ہوا، پابندیوں کا شکار ملک ہے جہاں پیٹ کے کیڑوں کو مارنے کی دوا بھی عام شہریوں کو دستیاب نہیں۔
کم یونگ ان کی حکمرانی میں شمالی کوریا ٹرین کے راستے چین سے جڑا ہوا ہے اور اس کو پڑوسی ملک جنوبی کوریا سے تنازع دہائیوں سے جاری ہے۔
