صحافیوں میں وائرس پھیلنے پر تشویش ہے: پی آر اے
پاکستان کے پارلیمانی رپورٹرز کی ایسوسی ایشن نے ملک میں کورونا وائرس سے متاثر ہونے والے صحافیوں اور کارکنوں کی تعداد میں تیزی سے اضافے پر تشویش کا اظہار کرتے ہوئے حکومت اور میڈیا مالکان سے مطالبہ کیا ہے کہ نہ صرف اخبارات اور ٹی وی چینلز کے دفاتر میں کورونا سے بچاؤ کے لیے غیر معمولی انتظامات اور حفاظتی کٹس کی فراہمی کو یقینی بنایا جائے بلکہ بچاؤ کےاصولوں پر عملدرآمد کرتے ہوئے کم سے کم سٹاف کے ساتھ دفتری امور کی انجام دہی اور باقی کارکنوں کے گھر سے کام کرنے کی پالیسی کو اپنایا جائے۔
پارلیمانی رپورٹرز ایسوسی ایشن کے صدر بہزادسلیمی اور سیکرٹری جنرل ایم بی سومرو سمیت ایگزیکٹو باڈی نے صحافیوں اور میڈیا کارکنوں کے فرائض کی ادائیگی کے دوران کورونا سے متاثر ہونے کے واقعات میں تیزی سے اضافے پر تشویش کا اظہار کرتےہوئے کہا ہے کہ پی آراے پارلیمان اور حکومت کی سطح پر صحافیوں اور میڈیا کارکنان کو وائرس سے بچاؤ کے لیے ضروری انتظامات نہ ہونے کا معاملہ اٹھاتے ہوئے باربار مطالبہ کرچکی ہے کہ صحافیوں اور میڈیا کارکنان کو بلا تاخیر حفاظتی کٹس فراہم کی جائیں۔
وزارت اطلاعات میں گزشتہ ہفتے منعقدہ اجلاس اور قومی اسمبلی کی قائمہ کمیٹی برائے اطلاعات کے اجلاس میں بھی پی آراے کی جانب سے یہ موقف اپنایا گیا تھا کہ وزارت اطلاعات تقریبات کے انعقاد اور فوٹو سیشن کے ذریعے حفاظتی کٹس کی تقسیم کے بجائے مزید وقت ضائع کیے بغیر این ڈی ایم اے کے اشتراک سے حفاظتی کٹس تمام اخبارات اور ٹی وی چینلز کے دفاتر کوبراہ راست پہنچائے لیکن وزارت اطلاعات نے اس کے برعکس طریقہ کار اپنایا ہے۔
وزارت اطلاعات کا ہنگامی صورتحال کی بجائےحفاظتی کٹس مرحلوں ،قسطوں اور تقریبات کے انعقاد کے انتظار کارویہ افسوسناک ہے۔
پی آراے کے عہدیداران نے سرکاری نیوزایجنسی کی ویڈیو سروس کے رپورٹر احسن عباس ، سماء ٹی وی کے شیراز ، مظفرآباد سے اے آر وائی کے رپورٹرسردار رضا اورکیمرہ مین فدا حسین سمیت پندرہ صحافیوں کے وائرس سے متاثر ہونے والے میڈیا کارکنان سے یکجہتی کا اظہارکرتے ہوئے حکومت اورصحافتی اداروں پر زور دیا ہے کہ ان کو علاج معالجے کی معیاری سہولیات فراہم کی جائیں ۔
کورونا کے خلاف صف اوّل میں رہتے ہوئے پیشہ وارانہ فرائض سرانجام دینے والے میڈیا کارکنوں کے جانی تحفظ کے لیے فوری اقدامات اٹھائےجائیں ۔ نہ صرف وفاقی حکومت کورونا سے متاثرہ میڈیا ورکرز کے لیے شہدا پیکج کے مسادی پیکج کا فوری اعلان کرے بلکہ آزادکشمیر حکومت ، گلگت بلتستان حکومت اور چاروں صوبائی حکومتیں بھی پیکج کا اعلان کریں اور صحافیوں کو ضروری حفاظتیسہولیات کی فراہمی کو یقینی بنائیں ۔ پی آراے کی ایگزیکٹو باڈی نے مزید کہا ہے کہ صحافیوں اور میڈیا کارکنوں کے جانی تحفظ کیذمہ داری متعلقہ صحافتی اداروں پر بھی عائد ہوتی ہے ۔ اگرچہ بعض اخبارات اور ٹی وی چینلز نے کرونا سے بچائو کے لیے دفتر میںکچھ اقدامات اٹھانے کے ساتھ کم سے کم سٹاف کے ساتھ دفتری کام چلانے کی پالیسی اختیار کی ہے پی آر اے ایسے اداروں کیتحسین کرتی ہے لیکن کئی اداروں سے میڈیا کارکنوں کو بلا ضرورت معمول کے مطابق دفتر میں حاضری یقینی بنانے اور ہسپتالوں اورمتاثرہ علاقے سے رپورٹنگ کے دبائو کی شکایات ہی سامنے نہیں آرہی ہیں بلکہ بعض اداروں میں تو کیمرہ مین رپورٹرز کو ہسپتالوں کے اندر یا قرنطینہ سنٹرز کے اندر جاکر رپورٹنگ پر مجبور کیا جاتا ہے جس سے کرونا مزید صحافیوں کو شکار کرسکتا ہے اس لئےایسے اقدامات سے گریز کیا جائے ۔
پی آراے کی ایگزیکٹو باڈی نے اے پی این ایس اور پاکستان براڈ کاسٹر ایسوسی ایشن (پی بی اے) پر زور دیا ہے کہ وہ تمام ادارو ں کو نہ صرف کرونا کے پیش نظر تمام دفاتر میں ضروری حفاظتی اقدامات ، دفتر میں کم سٹاف کیحاضری اور باقی سٹاف کے گھر سے کام کرنے کی پالیسی کے اطلاق کے لیے واضح ہدایات جاری کریں بلکہ کرونا سے متاثرہ ورکرز کے لیے خود بھی ایک پیکج کا اعلان کریں ۔ کرونا صورتحال ، رمضان المبارک اور عید الفطر کی جلد آمد کے پیش نظراخبارات اور ٹی وی چینلز میں تنخواہوں کی ادائیگی کو یقینی بنایا جائے ۔ پی آراے کی ایگزیکٹو باڈی نے خبردار کیا کہ اگر اب بھیوفاقی و صوبائی حکومتوں اور میڈیا مالکان نے صحافیوں اور میڈیاکارکنوں کے تحفظ کی اپنی ذمہ داری پوری نہ کی تو پی آراے اس پر سخت لائحہ عمل اختیار کرنے پر مجبور ہوگی۔
