پاکستان میں ماسک نہ پہننے پر جرمانہ اور جیل

پاکستان میں حکومت نے کورونا وائرس کی احتیاطی تدابیر کے سلسلے میں ہر شہری کے لیے گھر سے باہر ماسک پہننا لازمی قرار دیا ہے جس کی خلاف ورزی پر کارروائی ہوگی۔

‏حکومتی فیصلے کے مطابق پہلے مرحلے میں اسلام آباد میں تمام عوامی جگہوں پر ماسک پہننا، منہ ڈھانپنا اب لازم قرار دیا گیا ہے۔ مارکیٹس، عوامی مقامات، مساجد، پبلک ٹرانسپورٹ،لاری اڈہ، گلیوں، سڑکوں، دفاتر میں چیکنگ ہوگی۔

خلاف ورزی کرنے والوں کو مجسٹریٹ تین ہزار تک جرمانے اور دفعہ 188 تعزیرات پاکستان کے تحت جیل بھی بھیجنے کا حکم دے سکتے ہیں۔

Face masks are now mandatory to be worn by everybody while in crowded public places, mosques, bazaars, shopping malls, public transport ie road, rail and flights. We have reviewed our guidelines for wearing masks and have added a mandatory section <311>. https://t.co/K8xnM8TcG7

— Zafar Mirza (@zfrmrza) May 31, 2020

معاون خصوصی برائے صحت ظفر مرزا نے کہا ہے کہ اب ہر شہری کے لیے عوامی مقامات، مساجد، بازاروں، شاپنگ مالز، پبلک ٹرانسپورٹ اور ٹرین میں ماسک پہننا لازمی ہوگا جس کی خلاف ورزی پر کارروائی کی جا سکے گی۔