امریکہ نے چینی ایئر لائنز کی پروازیں معطل کر دیں

Reading Time: < 1 minute

ٹرمپ انتظامیہ نے چینی ایئرلائنز کی امریکہ میں آمدو رفت اور پروازیں معطل کر دی ہیں۔

یہ فیصلہ چین کی جانب سے امریکی ایئر لائنز کو چین کے لیے پروازیں شروع کرنے کی اجازت نہ دینے کے بعد کیا گیا۔

امریکی ٹرانسپورٹیشن ڈیپارٹمنٹ کے بیان میں بتایا گیا ہے کہ امریکی مسافر پروازوں کی چین کے لیے یکم جون سے بحالی کی اجازت مانگی گئی تھی جس کی چینی حکومت نے اجازت نہیں دی۔

امریکہ نے چین کے اس عمل کو دونوں ملکوں کے درمیان فضائی نقل و حمل کے معاہدے کی خلاف ورزی قرار دیا ہے۔

واضح رہے کہ امریکہ کے عالمی وبا کورونا وائرس سے متاثر ہونے کے بعد صدر ٹرمپ چینی قیادت پر حقائق چھپانے اور جھوٹ بولنے کا الزام عائد کرتے رہے ہیں۔