پاکستان میں کورونا کے ایک لاکھ مریض صحتیاب

پاکستان میں حکام کا کہنا ہے کہ عالمی وبا کورونا وائرس کا شکار ہونے والے 50 فیصد مریض صحت یاب ہو گئے ہیں۔

بدھ کو جاری کیے گئے بیان کے مطابق ملک میں کورونا سے صحتیابی کی شرح 50 فیصد ہو گئی ہے اور اب تک دو لاکھ 13 ہزار مثبت کیسز میں سے ایک لاکھ سے زائد کا کورونا ٹیسٹ منفی آ چکا ہے۔

پاکستان میں کورونا کے ٹیسٹ روزانہ کی بنیاد پر کم کیے جا رہے ہیں اور گزشتہ روز کیے گئے 22 ہزار ٹیسٹ میں سے چار ہزار سے زائد مثبت آئے ہیں۔

ملک میں کورونا سے مرنے والے افراد کی تعداد چار ہزار 495 ہو گئی ہے جن میں سے 91 اموات گزشتہ روز ہوئیں۔

پنجاب 1768 ہلاکتوں کے ساتھ پہلے نمبر پر ہے جبکہ سندھ میں 1377 مریض موت کا شکار ہوئے۔