سینیئر وکیل زاہد بخاری کا کورونا سے انتقال

پاکستان میں پراپرٹی ٹائیکون ملک ریاض کے مقدمات لڑنے سے مشہور ہونے والے وکیل زاہد بخاری لاہور میں کورونا کا شکار ہونے کے بعد انتقال کر گئے۔

وہ مسلم لیگ ن کی رکن پنجاب اسمبلی عظمیٰ بخاری کے والد تھے۔

زاہد بخاری نے سابق چیف جسٹس افتخار محمد چودھری کے بیٹے ارسلان افتخار کے خلاف ملک ریاض کی وکالت کی تھی۔ وہ بحریہ ٹاؤن کے کئی مقدمات میں وکیل رہے۔

زاہد بخاری نے امریکی جاسوس ریمنڈ ڈیوس کے مقدمے میں بھی وکالت کی تھی اور ان کو امریکی حکومت نے فیس ادا کی تھی۔

زاہد بخاری اپنے کیس بہترین طریقے سے لڑنے کے لیے مشہور تھے۔