نیوزی لینڈ میں دہشت گرد برینٹن ٹیرنٹ کو عمر قید کی سزا

Reading Time: < 1 minute

نیوزی لینڈ کے شہر کرائسٹ چرچ کی مسجد پر حملہ کر کے 50 نمازیوں کو قتل کرنے والے سفید فام نسل پرست دہشت گرد برینٹن ٹیرنٹ کو عمر قید کی سزا سنا دی گئی۔
بین الاقوامی میڈیا کے مطابق پہلی مرتبہ نیوزی لینڈ میں بغیر پیرول کے عمر قید کی سزا سنائی۔ برینٹن ٹیرنٹ کوبغیر پے رول پر رہائی کے تمام عرصہ مسلسل عمر قید میں گزارنا پڑے گی۔
عدالت نے مجرم کو دفاع میں بولنے کا موقع دیا مگر اس نے کچھ کہنے سے انکار کر دیا۔

حملے میں بچ جانے والے افراد نے چار دن تک عدالت میں اپنے بیانات قلمبند کرائے۔