آئی ایس آئی کا اسد طور پر تشدد سے مکمل لاتعلقی کا اظہار

Reading Time: < 1 minute

وزارت اطلاعات سے جاری کی گئی پریس ریلیز کے مطابق اعلیٰ ترین سطح پر وزارت اطلاعات اور انٹر سروسز انٹیلی جنس کا رابطہ ہوا.
بیان کے مطابق آئی ایس آئی نےاسلام آباد میں ہونے والے حالیہ واقعے جس میں ایک ڈیجیٹل میڈیا صحافی اسد علی طور کو مبینہ تشدد کا نشانہ بنایا گیا سے مکمل لاتعلقی ظاہر کی ہے.

وزارت اطلاعات کے مطابق ایسے الزامات کا تسلسل ظاہر کرتا ہے کہ ایک منظم سازش کے تحت آئی ایس آئی کو ففتھ جنریشن وار فیئر کا نشانہ بنایا جا رہا ہے.

بیان میں کہا گیا ہے کہ آئی ایس آئی سمجھتی ہے کہ جب CCTV میں ملزمان کی شکلیں واضع طور پر دیکھی جاسکتی ہیں تو پھر تفتیش آگے بڑھنی چاہیے۔ اور ذمہ داروں کے خلاف سخت کارروائی عمل میں لائی جانی چاہیے۔
اس سلسلے میں آئی ایس آئی تفتیشی اداروں سے مکمل تعاون کرے گی۔
وزارت اطلاعات اس ضمن میں اسلام آباد پولیس سے رابطے میں ہے اور امید ہے کہ ملزمان جلد قانون کی گرفت میں ہوں گے۔
سرکاری بیان میں کہا گیا ہے کہ بغیر ثبوت اداروں پر الزامات کی روش ختم ہونی چاہیے اس طرح کی منفی روایات ملک کے اداروں کے خلاف سازش کا حصہ ہیں اور جلد اصل کردار بے نقاب ہوں گے۔