کورونا کے شکار جسٹس قاضی فائز عیسی مسلسل ڈاکٹرز کی نگرانی میں
پاکستان کی سپریم کورٹ کے جسٹس قاضی فائز عیسیٰ کورونا وائرس کا شکار ہونے کے بعد مسلسل ڈاکٹروں کی نگرانی میں ہیں.
ان کی ٹیم میں شامل ذرائع کے مطا بق جسٹس قاضی فائز کی طبیعت گزشتہ روز قدرے ناساز ہو گئی تھی جب انہوں نے ویڈیو لنک کے ذریعے ججوں کی تعیناتی کے جوڈیشل کمیشن کے اجلاس میں شرکت کی.
ڈاکٹرز جسٹس قاضی فائز اور ان کی اہلیہ کا دن میں دو بار معائنہ کرتے ہیں۔
عدالتی ذرائع کے مطابق جسٹس قاضی فائز عیسیٰ کو بولتے ہوئے تکلیف کا سامنا ہے، وہ کورونا وائرس کا ٹیسٹ مثبت آنے پر گھر میں قرنطینہ کیئے ہوئے ہیں۔
