سکاٹ لینڈ کو بھی ہرا دیا، پاکستان گروپ ٹو میں ناقابل شکست

Reading Time: < 1 minute

شارجہ کرکٹ سٹیڈیم میں ٹی 20 ورلڈ کپ کے گروپ ٹو کے میچ میں پاکستان نے سکاٹ لینڈ کو 72 رنز سے ہرا کر اپنے گروپ میں ناقابل شکست رہنے کا اعزاز حاصل کیا۔

پاکستان کی جانب سے دیے گئے 190 رنز کے ہدف کے تعاقب میں سکاٹ لینڈ کی ٹیم نے مقررہ 20 اوورز میں چھ وکٹوں سے نقصان پر 117 رنز بنائے۔

سکاٹ لینڈ کی جانب سے رچی بیرنگٹن نے 54، جارج منسے 17 اور مائیکل لیسک 14 رنز بنا کر نمایاں رہے۔

پاکستان کی جانب سے شاداب خان نے دو، شاہین شاہ آفریدی، حسن علی اور حارث رؤف نے ایک ایک کھلاڑی کو آؤٹ کیا۔

قبل ازیں پاکستان نے ٹاس جیت کر پہلے بیٹنگ کا فیصلہ کیا اور بابر اعظم کے 66 اور شعیب ملک کے 54 رنز کی بدولت 20 اوورز میں 189 رنز بنائے۔