میچ جیتنے کی وجہ کیچ ڈراپ ہونا نہیں تھی: میتھیو ویڈ

Reading Time: < 1 minute

پاکستان کو ٹی 20 ورلڈکپ کے سیمی فائنل میں شکست سے دوچار کرنے والی آسٹریلیا کی ٹیم کے بلے باز میتھیو ویڈ نے کہا ہے کہ میچ جیتنے کی وجہ حسن علی کی جانب سے ۱۹ ویں اوور میں ان کا کیچ ڈراپ کرنا نہیں تھی۔

ان کا کہنا تھا کہ کیچ ڈراپ ہونے سے دو رنز ملے اور اس کے بعد چیزیں ان کے حق میں گئیں۔

دوسری جانب پاکستانی کپتان بابر اعظم نے کہا کہ میتھیو ویڈ کا کیچ اگر پکڑ لیا جاتا تو فرق پڑ جاتا تاہم ان کے مطابق ٹیم نے بہترین کھیل پیش کیا۔

تجزیہ کاروں کی مطابق پاکستان کی ناقص فیلڈنگ اور دباؤ میں رن آؤٹ نہ کرنے، تھرو درست نشانہ پر نہ لگانا شکست کا باعث بنا۔

میتھیو ویڈ نے 17 گیندوں پر 41 رنز بنائے جبکہ چھٹی وکٹ کی شراکت میں سٹوئنس کے ساتھ آخری 40 گیندوں پر 81 رنز جوڑے۔