وزیراعظم سے سوال کے لیے رپورٹرز لڑ پڑے
پاکستان کے وزیراعظم عمران خان سے پارلیمنٹ کی راہداری میں میڈیا ٹاک کے دوران رپورٹرز سوال کرنے کے لیے آپس میں لڑ پڑے۔
وائرل ویڈیو میں ایک رپورٹر کی آواز آتی ہے جس میں وہ وزیراعظم سے پوچھ رہے کہ کیا وہ استعفیٰ دے کر نئے الیکشن کرائیں گے؟
اس دوران دیگر رپورٹرز کا بھی شور سنائی دیتا ہے اور کسی کا سوال عمران خان تک واضح طور پر نہیں پہنچ پاتا۔
وزیراعظم میڈیا ٹاک چھوڑ کر جاتے ہیں مگر رپورٹرز کی آپس میں تکرار جاری رہتی ہے۔
ایک رہورٹر کا جملہ سنائی دیتا ہے کہ جب سینیئر نے سوال کیا ہے تو دوسرے خاموش رہیں۔
وزیرعظم عمران خان سے سوال پر رپورٹرز لڑ پڑے؟ pic.twitter.com/7hiaTJOaVM
— Pakistan24 (@Pakistan24Tv) December 30, 2021
یاد رہے کہ عمران خان کی میڈیا ٹیم نے تحریک انصاف کی حکومت بننے کے بعد ٹی وی چینلز مالکان سے کہا تھا کہ وزیراعظم کی مصروفیات کی رپورٹنگ صرف وہی نووارد رپورٹرز کریں گے جو اپوزیشن میں رہتے ہوئے پارٹی اور عمران خان کی سرگرمیوں کی رپورٹنگ کر رہے تھے۔
