دھوکہ دہی و فراڈ ، سوناکشی سنہا کے ناقابل ضمانت وارنٹ جاری

Reading Time: < 1 minute

انڈیا میں ایک عدالت نے فلم انڈسٹری کی مشہور اداکارہ سوناکشی سنہا کے دھوکہ دہی کے ایک مقدمے میں ناقابلِ ضمانت وارنٹ گرفتاری جاری کیے ہیں۔

انٖڈین ذرائع ابلاغ کے مطابق سوناکشی سنہا نے مبینہ طور پر ایک ایونٹ آرگنائزر سے دہلی میں ہونے والے ایونٹ کے 37 لاکھ انڈین روپے وصول کیے، لیکن پھر معذرت کر لی۔

مقدمے کے مطابق آرگنائزر پرمود شرما نے 2019 میں ایک تقریب منعقد کی اور سوناکشی سنہا کو رقم دے کر مدعو کیا۔

آرگنائزر کا کہنا ہے کہ اس نے سوناکشی سنہا کو 37 لاکھ روپے ایڈوانس دیے۔

تاہم اداکارہ تقریب میں شرکت نہ کر سکیں جس کے بعد پرمود نے ان سے اپنی رقم واپس مانگی۔

ایونٹ آرگنائزر نے الزام عائد کیا کہ اداکارہ کی منیجر نے رقم واپس کرنے سے انکار کر دیا اور سوناکشی سے بارہا رابطہ کرنے کے بعد بھی کچھ حاصل نہ ہوا تو انہوں نے اداکارہ کے خلاف دھوکہ دہی کا کیس درج کروایا۔

سوناکشی سنہا مقدمہ درج کیے جانے پر مبینہ طور پر مراد آباد آئیں اور اپنا بیان ریکارڈ کروایا تاہم اس کے بعد سے اداکارہ منظر سے غائب ہیں اور عدالت کے بلانے پر بھی نہیں پیش نہیں ہوئیں جس کے بعد ناقابلِ ضمانت وارنٹ گرفتاری جاری کیے گئے ہیں۔