عید پر تفریحی پارک میں جھولا گرنے سے 37 بچے زخمی

شمالی وزیرستان کے صدر مقام میران شاہ کے سربندکئی تفریحی پارک میں جھولا گرنے سے 37 افراد زخمی ہوگئے ہیں جن میں اکثریت بچوں کی ہے۔

تمام زخمیوں کو ڈسٹرکٹ ہیڈکوارٹر ہسپتال میران شاہ منتقل کیا گیا۔

ہسپتال انتظامیہ کے مطابق 37 میں سے 17 بچے ہسپتال میں زیر علاج ہیں جبکہ اقی زخمیوں کو ابتدائی علاج کے بعد گھر بھیج دیا گیا۔

ہسپتال انتظامیہ نے بتایا کہ ایک بچے کی حالت نازک تھی جسے بنوں منتقل کیا گیا۔

شمالی وزیرستان کے ڈپٹی کمشنر شاہد علی خان نے واقعے کا نوٹس لیتے ہوئے کہا ہے کہ ناقص جھولے کی تنصیب پر منتظمین کے خلاف کارروائی ہوگی۔