فرح گوگی کی گرفتاری کے لیے ریڈ وارنٹ جاری کیے جا رہے ہیں: پنجاب حکومت
Reading Time: < 1 minuteپاکستان کے صوبہ پنجاب کی حکومت کے ترجمان عطا اللہ تارڑ نے کہا ہے سابق وزیراعظم عمران خان کی اہلیہ بشریٰ بی بی کی مبینہ فرنٹ لیڈی فرح گوگی کے ریڈ وارنٹ کے لیے انٹرپول کو کہا جائے گا۔
اتوار کو لاہور میں قانون و پارلیمانی امور کے وزیر ملک احمد خان کے ساتھ میڈیا سے گفتگو کرتے ہوئے ان کا کہنا تھا کہ
’ہم فرح گوگی کے ریڈ وارنٹ جاری کرنے جا رہے ہیں اور جس دن بھی فرح گوگی اور احسن جمیل واپس آئے ایک گھنٹے میں وعدہ معاف گواہ بنیں گے۔‘
’ہم سے سوال یہ ہوتا تھا کہ کارروائی نہیں کرتے۔ یکم جولائی کو اینٹی کرپشن پنجاب نے ایک ایف آئی آر درج کر کے دو افراد کو گرفتار کیا گیا ہے‘
ادھر عمران خان کی اہلیہ بشریٰ بی بی کی ایک مبینہ آڈیو لیک ہوئی ہے جس میں وہ عمران خان کے فوکل پرسن برائے ڈیجیٹل میڈیا ارسلان خالد کو مخالفین کے خلاف بیانیہ بنانے اور انہیں غدار ثابت کرنے کی مہم چلانے کی ہدایات دے رہی ہیں۔
