دوسرے ٹی20 میں بھی نیوزی لینڈ کو شکست، بابر اعظم کا نیا ریکارڈ

پاکستان نے پانچ ٹی20 میچز کی سیریز کے دوسرے میچ میں نیوزی لینڈ کو 38 رنز سے شکست دے کر سیریز میں دو صفر کی برتری حاصل کر لی ہے۔

نیوزی لینڈ کی ٹیم 193 رنز کے تعاقب میں 20 اوورز میں سات وکٹوں کے نقصان پر 154 رنز ہی بنا سکی۔ مارک چیپ مین 65 رنز کے ساتھ ناٹ آؤٹ رہے جبکہ پاکستان کی جانب سے حارث رؤف نے ایک بار پھر عمدہ بولنگ کرتے ہوئے چار کھلاڑیوں کو آؤٹ کیا۔

سنیچر کو لاہور کے قذافی سٹیڈیم میں بابر اعظم نے ٹاس جیت کر پہلے بیٹنگ کا فیصلہ کیا جو درست ثابت ہوا اور ان کی شاندار سینچری کی بدولت پاکستان نے 20 اوورز میں چار وکٹوں کے نقصان پر 192 رنز بنائے۔ بابر اعظم 101 رنز کے ساتھ ناٹ آؤٹ رہے۔

بابر اعظم ٹی20 میں سب سے زیادہ سینچریاں سکور کرنے والے کپتان بن گئے ہیں۔

محمد رضوان 50 اور افتخار احمد 33 رنز کے ساتھ نمایاں رہے۔ نیوزی لینڈ کی جانب سے میٹ ہنری نے دو وکٹیں حاصل کیں۔