فوج کے بارے میں لطیفہ، چین کے مزاحیہ اداکار کو 2 ملین ڈالر جرمانہ

Reading Time: < 1 minute

چین میں ایک کامیڈین کو تقریباً 2 ملین ڈالر جرمانہ کیا گیا ہے۔

مشہور چینی مزاحیہ اداکار نے فوج کے بارے میں ایک لطیفہ بنایا تھا جو سوشل میڈیا پر وائرل ہوا۔

پولیس نے کامیڈین سے تفتیش کی ہے اور اس کے کئی کامیڈی شوز منسوخ کر دیے گئے ہیں۔

گذشتہ ہفتے بیجنگ میں چینی مزاج یہ اداکار لی ہاوشی کی طرف سے کیے گئے ایک لطیفے کے باعث ہنگامہ برپا ہے۔

انہوں نے فوج کے نمائندے کے بارے میں تفریح طبع کے لیے مزاح میں بات کی تھی مگر یہ ان کا اب تک کا سب سے بڑا سکینڈل بن گیا۔

چین میں کورونا کی وبا کے دوران کامیڈی شوز مقبول ہوئے، کیونکہ لوگوں نے انہیں دیکھنے میں زیادہ وقت گھر کے اندر گذارا۔

ان میں سب سے زیادہ مقبول چاؤ گواؤ کلچر میڈیا کی طرف سے تیار کردہ ایک شو تھا۔

کامیڈین لی کو اس وقت شہرت ملی جب کسی نے 13 مئی کو ایک شو میں کیے گئے ایک لطیفے کی تفصیل پوسٹ کی، جسے چینی فوج کی توہین کے طور پر دیکھا گیا۔

بیجنگ پولیس نے اپنے مقامی سوشل میڈیا سائٹ ویبو کے اکاؤنٹ پر کہا کہ وہ لی سے تفتیش کر رہی ہے۔

بیجنگ کلچر اینڈ ٹورازم بیورو نے چاو گواؤ پر 14.7 ملین یوآن (2.13 ملین ڈالر) کا جرمانہ عائد کیا ہے اور اس پر بیجنگ اور شنگھائی میں کسی بھی قسم کی پرفارمنس کی میزبانی کرنے پر پابندی لگا دی۔

کلچر اینڈ ٹورزم بیورونے کہا کہ "ہم کبھی بھی کسی کمپنی یا فرد کو یہ اجازت نہیں دیں گے کہ وہ چینی دارالحکومت کو عوامی لبریشن آرمی کے شاندار امیج کو دانستہ طور پر بدنام کرنے کے لیے استعمال کرے۔”