روسی بمباری سے 34 شہری شہید

شام میں روسی جنگی طیاروں نے بمباری کی ہے جس کے نتیجے میں 34 عام شہریوں کے مارے جانے کی اطلاعات موصول ہوئی ہیں_ فرانسیسی خبر رساں ادارے کے مطابق روسی فضائیہ نے یوفریٹس دریا میں کشتیوں کو نشانہ بنایا جو شام کے مشرقی شہر کی طرف جا رہی تھیں _

شام کی خانہ جنگی کے دوران گزشتہ ایک سال کے دوران اس ملک میں چھ مختلف ممالک کی فضائیہ نے لوگوں کو بمباری کا نشانہ بنایا ہے _ داعش کے ٹھکانوں پر بمباری کی آڑ میں فرانس اور روس نے کئی شہروں میں عام آبادی پر بم گرائے جبکہ ترکی اور امریکہ و اتحادی بشار الاسد کی افواج کو نشانہ بنانے کے دعوے کرتے رہے ہیں، دو روز قبل اسرائیل کے طیاروں نے بھی شام میں فوجی تنصیبات پر حملہ کیا تھا_